Баъди заминларза дар Алмаато 44 нафар кумак хостанд. Дар ин бора дафтари матбуоти Вазорати тандурустии Қазоқистон хабар додааст.
«Дар Алмаато 44 нафар бо ҷароҳатҳои гуногуни сабук ва миёна ба ёрии тиббӣ муроҷиат кардаанд», — дар ин бора РИА Новости хабар медиҳад.
Гуфта мешавад, ки се нафар калонсолон ва панҷ кӯдак дар беморхона бистарӣ шудаанд.
Дар Қазоқистон боз заминларза ба қайд гирифта шуд – сокинони Алмаато заминларзаро бо шиддати 2 дараҷа эҳсос карданд, маркази зилзила бо шиддати 5,3 дараҷа дар марзи Қирғизистону Чин воқеъ буд, экспедитсияи сейсмологии таҷрибавӣ-методӣ (ЭСТМ)-и Вазорати изтирорӣ Вазъияти Қазоқистон рӯзи сешанбе гузориш дод.
Ёдовар мешавем, ки қаблан зилзила ба шиддати 6,7 дараҷа тақрибан нисфи шаби ба вақти маҳаллӣ аз рӯзи душанбе ба сешанбе дар марзи Қазоқистону Қирғизистон, 264-километрии ҷанубу шарқи Алмаато рух дод. Сокинони пойтахти собиқи Қазоқистон заминларзаро бо шиддати 5 балл эҳсос карданд.
Ҳамчунин маълум шуд, ки раисиҷумҳури Қазоқистон Қосим-Ҷомарт Тоқаев рӯзҳои 24-25 январ аз Алмаато боздид карда, роҷеъ ба вазъи ин шаҳр пас аз заминларза нишаст хоҳад кард.
Акс: аз манбаъҳои кушода
