Дар доираи сафари давлатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Давлати Қатар 21 январ маросими ифтитоҳи Рӯзи миллии Тоҷикистон дар Намоишгоҳи байнулмилалии боғу токпарварии «EXPO 2023 DOHA» баргузор шуд, аз намоишгоҳ беш аз 500 ҳазор меҳмон дидан карданд.
Дар маросими ифтитоҳи Рӯзи миллии Тоҷикистон дар Намоишгоҳи байнулмилалии боғпарварӣ намояндагони расмии Тоҷикистону Қатар, сафоратҳои кишварҳои хориҷӣ дар ин иёлот, намояндагони бахши хусусӣ, доираҳои тиҷоратӣ ва сармоягузории Тоҷикистону Қатар ширкат доштанд.
Гуфта мешавад, ки Намоишгоҳи байнулмилалии боғпарварии «EXPO 2023 DOHA» дар майдони беш аз 1 миллиону 700 метри мураббаъ ташкил шуда, дар он беш аз 80 кишвари ҷаҳон ширкат доранд.
Дар ин рӯз зери садои сурудҳои миллии ду давлат дар даромадгоҳи аслии намоишгоҳ парчамҳои давлатии Тоҷикистон ва Қатар барафрохта шуданд.
Гӯшаи асосии Тоҷикистон дар Намоишгоҳи байнулмилалии боғпарварии «EXPO 2023 DOHA» дар майдони ҳудуди 800 метри мураббаъ ташкил карда шуда, намунаҳои меваю хушкмева, сабзавоти тару тоза, асал, гиёҳҳои шифобахш ва обҳои мусаффои Тоҷикистон намоиш дода шуданд. дар ин ҷо муаррифӣ шудааст.
Дар ин бора ба АМИТ «Ховар» хабар медидад.
Акс: АМИТ «Ховар»
