21 январ дар доираи сафари давлатӣ ба Давлати Қатар Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Доҳа бо Раиси Ҳукумати Қатар мулоқот намуданд. Ассотсиатсияи соҳибкорон ва раиси Шӯрои мудирони гурӯҳи ширкатҳои «Файсал Холдинг» Шайх Файзал ибни Қосим Оли Сонӣ.
Зимни суҳбат масъалаҳои ҳамкорӣ бо мақсади рушди робитаҳои тиҷоратию иқтисодӣ ва сармоягузории ду кишвар мавриди баррасӣ қарор гирифтанд.
Баргузории анҷуманҳои тиҷоративу иқтисодӣ ва таъсиси «Фонди муштараки иқтисодию сармоягузорӣ» аз омили муҳими густариши равобити тиҷоративу иқтисодӣ ном бурда шуд.
Зимни мулоқот ҷонибҳо оид ба истифодаи имконияту имконоти бузурги Тоҷикистон дар самтҳои афзалиятноки саноат, истихроҷ ва коркарди маъданҳо, роҳҳои транзитӣ ва бахши сайёҳӣ табодули афкор намуданд.
Дар мулоқот изҳори боварӣ карда шуд, ки татбиқи ин пешниҳодҳо дар рушди муносибатҳои тиҷоратию иқтисодии кишварҳо саҳми арзанда хоҳад гузошт.
Дар ин бора ба АМИТ «Ховар» хабар медидад.
Акс: АМИТ «Ховар»
