Тоҷикистон вазъи корпартоии шаҳрвандонаш дар корхонаи шаҳри Шахтии вилояти Ростовро шарҳ дод. Вазорати меҳнат, шуғли аҳолӣ ва муҳоҷирати ҷумҳурӣ низ дар як изҳороти расмӣ аз омилони ин ҳодиса ном бурдааст.
Ба гуфтаи ин вазорат, рӯзи 15-уми январ 55 шаҳрванди Тоҷикистон ва Узбакистон, ки аз маошашон норозӣ буда, тақозо доранд, корпартоӣ эълон карданд.
Ду рӯзи дигар дар ин корхона намояндагони вазорати меҳнат ва диаспораи тоҷикон кор карданд. Онхо бо мухочирон сухбат карда, шароити кору зиндагиро бахо доданд.
Масъулон ба хулосае омаданд, ки ягон банди шартномаи меҳнатӣ аз ҷониби корфармо вайрон нашудааст.
Дар баёнияи ин ниҳод ҳамчунин гуфта мешавад, ки иғво миёни кормандон аз ҷониби чанд шаҳрванди Тоҷикистон, ки қаблан дар Бритониё кор мекарданд, анҷом додааст.
Ёдовар мешавем, ки расонаҳои маҳаллӣ дар бораи корпартоии муҳоҷирон дар наздикии Ростов хабар додаанд. Ба гуфтаи онҳо, ҳамаи ширкаткунандагони ин иқдом аз кор ронда шудаанд.
Аммо ҳоло маълум шудааст, ки 25 нафари онҳо баъди гуфтушунид бо роҳбарияти корхона дубора дар корхона ба кор ҷалб шудаанд.
Акс: аз манбаъҳои кушода
