Дар ҳамлаи нирӯҳои дифои Исроил (ЦАХАЛ) ба Димишқ, пойтахти Сурия, чаҳор мушовири низомии Сипоҳи посдорони инқилоби исломӣ (КСИР, воҳидҳои элитаи нерӯҳои мусаллаҳи Эрон) кушта шуданд. Дар ин бора хабаргузории Tasnim рӯзи 20 январ бо такя ба изҳороти ин воҳид навишт.
«Чанде аз сарбози суриягӣ ва чаҳор мушовири низомии эронӣ дар як ҳамлаи ҳавоии ҳавопаймоҳои ҷангии режими таҷовузкор ва ғасби саҳюнистӣ кушта шуданд», — гуфта мешавад дар матни мурочиатнома.
Ба гуфтаи ин оҷонсӣ, чанд тан аз ғайринизомиёни Сурия низ кушта шудаанд.
Пеш аз ин дирӯз нерӯҳои ДИИШ ба Димишқ зарба заданд. Хабаргузории Reuters бо такя ба як манбаи амниятӣ дар эътилофи ҷонибдори Сурия хабар дод, ки дар ин ҳамла чаҳор афсари Сипоҳи посдорони инқилоби исломии Эрон, аз ҷумла раиси бахши иттилоъот кушта шудаанд.
Баъдан шабакаи телевизионии Al Arabiya хабар дод, ки шумори кушташудагон дар ҳамлаи ДИИШ ба 10 нафар расидааст. Гуфта мешавад, ки дар миёни онҳо фармондеҳи нерӯҳои Қудс дар Сурия Юсуф Омид Зоде низ ҳаст.
Акс: аз манбаъҳои кушода
