Се шаҳрванди Тоҷикистон, ки дар Мянмар қочоқ шуда буданд, бо талошҳои сафорати Тоҷикистон дар Малайзия бо мусоидати созмонҳои байналмилалӣ ба ватанашон баргардонида шуданд. Дар ин бора аз департаменти иттилоот ва матбуоти Вазорати корҳои хориҷии ҷумҳурӣ хабар доданд.
«20 январи соли 2024 аз ҷониби Сафорати Ҷумҳурии Тоҷикистон дар Малайзия дар ҳамкорӣ бо мақомоти Шоҳигарии Таиланд, Сафорати Мянмар дар Малайзия, инчунин Созмони байналмилалии муҳоҷират ва намояндагии адлияи байналмилалӣ, се нафар шаҳрвандони Ш. Тоҷикистон, ки дар Мянмар қурбонии қочоқи инсон шуданд, аз Мянмар ба ватанашон баргардонида шуданд», — гуфта мешавад дар хабар. Раёсат қайд кард, ки ин афрод ба ғуломии меҳнатӣ афтода, айни замон бо онҳо корҳои барқарорсозӣ ва равонӣ мегузаронанд.
Тавре Шоҳин Самадӣ намояндаи расмии Вазорати корҳои хориҷӣ ба ТАСС шарҳ дод, як гурӯҳи ҷинояткорон дар шабакаи Telegram ба шаҳрвандони Тоҷикистон маоши баланд ва шароити хуби корӣ дар Таиланд ваъда кардаанд. Пас аз расидан, ин мардонро ғайриқонунӣ ба Мянмар бурданд ва дар он ҷо ба ғуломии меҳнатӣ фурӯхта шуданд. Масъулини сафорати Тоҷикистон бо сафорати Мянмар дар Малайзия чанд дидор анҷом дода, ҳамватанони худро ба Таиланд баргардонданд ва аз онҷо ба ватанашон баргардонданд.
Вазорати корҳои хориҷии ҷумҳурӣ ба мақомоти Таиланд ва Мянма, инчунин созмонҳои байналмилалӣ «барои кумаке, ки дар ҳифзи ҳуқуқу манфиатҳои шаҳрвандони Ҷумҳурии Тоҷикистон ва мусоидат дар бозгашти онҳо ба Ватан изҳори сипос кардааст».
Акс: аз архив
