Имрӯз дар Доҳа тими миллии Тоҷикистон бозии дувуми худро дар Ҷоми Осиё-2023 анҷом медиҳад. Рақиби тими мо мизбони ин мусобиқот тими Қатар хоҳад буд.
Ин бозӣ дар варзишгоҳи Ал-Байти Доҳа баргузор шуда, соати 17:30 ба вақти маҳаллӣ (соати 19:30 ба вақти Душанбе) оғоз мешавад.
Тими миллии Тоҷикистон, ки мизбони номиналии бозии имрӯза мебошад, бо либоси сафед вориди бозӣ мешавад. Тими миллии Қатар бо либоси бургундӣ бозӣ мекунад.
Гуфта мешавад, ки 13 январ тими миллии футболи Тоҷикистон дар бозии даври аввали Ҷоми Осиё-2023 дар Доҳа бо тими миллии Чин мусовӣ анҷом дод.
Ва дар даври ниҳоӣ, сеюми марҳилаи гурӯҳии мусобиқот мунтахаби мо 22 январ бо тими Лубнон рақобат мекунад.
Бояд қайд кард, ки аз ҳар гурӯҳ ду даста ва инчунин чаҳор дастаи беҳтарин аз миёни ҷойҳои севум ба даври 1/8 ниҳоии Ҷоми Осиё-2023 роҳ меёбанд.
Дар ин бора ба АМИТ «Ховар» бо истинод ба Федерацияи футчи Точикистон хабар медидад.
АКС: Федератсияи футболи Тоҷикистон
