Ҳоло дар вилояти Суғд 1100 корхонаи хурду калон фаъолият дошта, дар соли 2023 ҳаҷми истеҳсоли маҳсулоти саноатӣ ба 26 миллиарду 51,9 миллион сомонӣ расидааст. Дар ин бора Раҷабба Аҳмадзода, раиси вилояти Суғд зимни мулоқот бо соҳибкорони Федератсияи Русия изҳори назар кардааст.
Зимнан зикр гардид, ки бо дастгирии доимии Ҳукумати Ҷумҳурии Тоҷикистон дар вилояти Суғд фазои мусоиди сармоягузорӣ фароҳам оварда шуда, танҳо дар соли 2023 ба иқтисодиёти вилоят 194,2 миллион доллар сармояи дохилию хориҷӣ ворид карда шудааст. Доираҳои тиҷоратии вилояти Суғд бо шарикони худ аз Федератсияи Русия ҳамкории мутақобилан судманд дошта, як қатор лоиҳаҳои муштаракро амалӣ кардаанд.
«Айни замон имкониятҳои истифоданашуда зиёданд, вилояти Суғд метавонад бо шарикони рушд дар сохтмони корхонаҳои нав, коркарди пахта, меваю сабзавот, пашму пӯст, саноати дорусозӣ ва металлургия ҳамкорӣ намояд», — афзуд раиси вилоят.
Гуфта мешавад, ки ҳадаф аз сафари соҳибкорони рус ошноӣ бо вазъи иқтисоди минтақа ва роҳандозии ҳамкорӣ мебошад.
Дар ин бора АМИТ «Ховар» бо истинод ба Хадамоти матбуоти раиси вилояти Сугд хабар медидад.
Акс: Хадамоти матбуоти раиси вилояти Суғд
