Дар ояндаи наздик бо дастури Раиси шаҳри Душанбе, мӯҳтарам Рустами Эмомалӣ Маркази ихтироъкорони ҷавон барои ҷавонони болаёқат, ихтироъкор ва навовар ба истифода дода мешавад.
Гуфта мешавад, ки чунин дастур аз ҷониби раиси Маҷлиси вакилони халқи шаҳри Душанбе, муҳтарам Рустами Эмомалӣ зимни иҷлосияи шонздаҳуми Маҷлиси вакилони халқи шаҳри Душанбе даъвати шашум дода шудааст.
Мақсад аз таъсиси Марказ муттаҳид намудани ҷавонони лаёқатманд ва дастгирии заковат дар самтҳои гуногун мебошад.
Қобили зикр аст, ки ин тадбир бо мақсади амалӣ намудани Фармони Президенти Ҷумҳурии Тоҷикистон, муҳтарам Эмомалӣ Раҳмон аз 31 январи соли 2020 дар бораи эълон намудани «Бист соли омӯзиш ва рушди илмҳои табиӣ , илмҳои дақиқ ва риёзӣ дар соҳаи илм ва маориф» (2020-2040).
Дар чаҳорчӯби эълони ин солҳо тайи чанд соли ахир дар пойтахт ҳамзамон мусобиқоти мухталиф баргузор мешавад. Яке аз онҳо озмуни шаҳрии «Илм тоҷи ҳама ҳунарҳост» мебошад. Иштирокчиёни озмун дар ду шарт (назариявӣ ва амалӣ) аз рӯи номинатсияҳои барномасозӣ, меъморӣ, моделсозӣ, радиоэлектроника, робототехника, сайёҳӣ, кишваршиносӣ ва табиатшиносӣ маҳорати худро месанҷанд.
Дар ин бора ба АМИТ «Ховар» бо истинод ба шӯъбаи иттилооти дастгоҳи раиси шаҳри Душанбе хабар дод.
Акс: аз манбаъҳои кушода
