Дар шаҳри Риёз мулоқоти сафири Ҷумҳурии Тоҷикистон дар Шоҳигарии Арабистони Саудӣ Акрам Каримӣ бо Дабири кулли Сандуқи давлатии сармоягузории Шоҳигарии Арабистони Саудӣ Саъд Ал-Куруд баргузор шуд.
Гуфта мешавад, ки дар ин дидор масоили мавриди таваҷҷуҳи тарафайн, аз ҷумла ҷалби сармояи Арабистони Саудӣ ба Тоҷикистон дар бахшҳои энержии сабз ва истихроҷи маъдан баррасӣ шудааст.
Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар дод.
Акс: ВКД ҶТ
