Барои пешгирии ҷинояткорӣ дар байни ноболиғон ва ҷавонон дар ҷумҳурӣ тадбирҳои судманд ҷорӣ намуда, бо иштироки волидайн ва нозирони минтақавӣ вохӯриву корҳои фаҳмондадиҳиро пурзӯр кардан лозим аст. Дар ин бора Рамазон Раҳимзода, вазири корҳои дохилӣ зимни ҷаласаи ҷамъбастии чорабиниҳои оперативӣ-ҷустуҷӯии Раёсати Вазорати корҳои дохилии Тоҷикистон дар шаҳри Душанбе изҳор дошт.
Гуфта мешавад, ки дар ВКД дар ҷаласа масъалаҳои фаъолияти оперативӣ-хидматии Раёсати ВКД дар шаҳри Душанбе дар соли 2023, фаъолияти раёсат ва бахшҳои он мавриди баррасӣ қарор гирифтанд.
Вазири корҳои дохилӣ оид ба татбиқи Паёми Маҷлиси Олии кишвар аз ҷониби Президенти Ҷумҳурии Тоҷикистон, муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» ва таъкид намуданд, ки мубориза бо терроризм, ифротгароӣ, гардиши ғайриқонунии маводи мухаддир ва дигар намудҳои ҷиноятҳо пурзӯр карда шавад.
Зимни ҷаласа вазири корҳои дохилӣ камбудию норасоиҳо дар фаъолияти кормандони корҳои дохилии шаҳри Душанберо мавриди баррасӣ қарор дода, оид ба танзими ҳаракати нақлиёт, рафъи бандшавии нақлиёт ва пешгирии ҷинояткорӣ як қатор дастуру супоришҳои мушаххас дод.
Дар ин бора ба АМИТ «Ховар» хабар медидад.
Акс: МВД РТ
