Дирӯз дар шаҳри Душанбе олимпиадаи фаннӣ аз рӯи 13 риштаи таълимӣ миёни хонандагони муассисаҳои таҳсилоти ҳамагонӣ оғоз гардид, ки дар он беш аз 5000 ҳазор довталаб ширкат карданд.
Олимпиада бо мақсади баланд бардоштани шавқи хонандагон ба омӯзиши фанҳои табиатшиносӣ, дақиқ ва риёзӣ ва рушди зеҳнии хонандагони болаёқат гузаронида мешавад.
Дар даври сеюми (шаҳрии) олимпиадаи фаннӣ 5769 довталаб аз чаҳор ноҳияи пойтахт ба олимпиада роҳ ёфтанд, ки аз ин шумора 3783 нафар аз фанҳои ҷамъиятию гуманитарӣ ва 1986 нафар аз фанҳои табиатшиносӣ-риёзӣ буданд.
Олимпиада пурра тибқи Низомномаи олимпиадаҳои фаннӣ, ки бо қарори Коллегияи Вазорати маориф ва илми Ҷумҳурии Тоҷикистон тасдиқ шудааст, гузаронида шуда, беҳтарин довталабон ба даври ҷумҳуриявӣ пешниҳод карда мешаванд.
Олимпиадаи фаннӣ то 6 январ идома ёфта, баргузории он яке аз роҳҳои муассири дастгирӣ ва ҷалби хонандагони болаёқат ба таҳсилу таълим мебошад.
Дар ин бора ба АМИТ «Ховар» бо истинод ба Сарраёсати маорифи шаҳри Душанбе хабар медиҳад.
АКС: Раесати генералии маорифи шаҳри Душанбе
