Дар деҳаи Воруи Панҷакент, ки яке аз дурдасттарин маҳаллаҳои шаҳр ба шумор меравад, бинои нави муассисаи таълимӣ ва маркази тиббӣ мавриди баҳрабардорӣ қарор гирифт.
Муассисаҳои нави таълимӣ ва тиббӣ бо мусоидати Мақомоти иҷроияи ҳокимияти давлатии шаҳр, саҳми Ташкилоти ҷамъиятии хайрияи «Тоҷикистон», шарикони рушд бинокорони ҶДММ «Маъсудиён» бо сифати хуб сохта шуданд.
Муассисаи таълимӣ аз шаш синфхонаи барҳаво иборат буда, дар он 240 нафар хонандагон дар ду баст таҳсил мекунанд.
Дар пункти тиббй низ барои кори кормандон ва кабули сокинон тамоми шароит мухайёст, дар хар ду муассиса системаи гармидихии бугй мавчуд аст.
Дар даврони истиқлолият бо маблағгузории тамоми манбаъҳо дар шаҳри Панҷакент 45 муассисаи нави таълимӣ бунёд гардида, ҳоло сохтмони бинои нав барои 3 мактаб ва зиёда аз 100 синфхонаи иловагӣ идома дорад.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Акс: аз манбаъҳои кушода
