Мақомоти Қазоқистон тасмим гирифтанд ҷунбиши «Толибон»-ро аз рӯйхати созмонҳои мамнӯъ дар кишвар хориҷ кунанд, гуфт Айбек Смадияров, намояндаи расмии Вазорати корҳои хориҷии ҷумҳурӣ дар мусоҳиба бо хабаргузории Kazinform.
«Қазоқистон мунтазам рӯйхати миллии созмонҳои террористиро, ки дар Ҷумҳурии Қазоқистон мамнӯъ шудаанд, бо мақсади такмил додани он баррасӣ мекунад. Дар чаҳорчӯби ин раванд тасмим гирифта шуд, ки «Толибон» тибқи амалияи СММ аз он хориҷ карда шаванд. Ҳамин тариқ, тибқи қатъномаҳои Шӯрои Амнияти СММ, ки ҳатмӣ мебошанд, ҷунбиши Толибон ба феҳристи созмонҳое шомил нест, ки Шӯрои Амнияти СММ ҳамчун террорист эътироф кардааст», — Смадияров шарх дод.
Акс: аз манбаъҳои кушода
