Теъдоди сокинони навори Ғазза, ки бар асари ҳамлаҳои Исроил кушта шудаанд, аз 21,3 ҳазор нафар гузашта, беш аз 55,6 ҳазор нафар маҷрӯҳ шудаанд, гуфт рӯзи панҷшанбеи 28 декабр, намояндаи вазорати тандурустии ин анклав Ашраф ал-Қудра.
«Шумораи қурбониёни таҷовузи Исроил аз 7 октябр то ба 21 ҳазору 320 нафар, маҷрӯҳшудагон ба 55 ҳазору 603 нафар расид», — дар ин бора шабакаи телевизионии вазорат иқтибос овардааст.
Ба гуфтаи ин оҷонсӣ, беш аз 1,9 миллион нафар аз беҷошудагон дар навори Ғазза аз камбуди об, ғизо ва дору ранҷ мебаранд, ки нисфи онҳоро кӯдакон ташкил медиҳанд.
Қаблан Аҳмад Ал-Мандҳарӣ, мудири минтақавии Созмони ҷаҳонии беҳдошт дар Баҳри Миёназамини Шарқӣ гуфта буд, ки корвони башардӯстонаи ин созмон бо об ва ғизо, ки барои ду муассисаи тиббӣ дар шимоли навори Ғазза пешбинӣ шуда буд, дар роҳ тавассути гуруснагии сокинони маҳаллӣ ғорат шудааст. Ба гуфтаи ӯ, тамоми 2 миллиону 200 ҳазор сокини Ғазза бо хатари баланди камбуди ғизо рӯбарӯ ҳастанд ва сатҳи гуруснагӣ ва ноумедӣ дар ин анклав ба дараҷаи фалокатбор расидааст.
Акс: аз манбаъҳои кушода
