Дар Ашқобод мулоқоти Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода ва муовини Раиси Девони Вазирони Туркманистон оид ба фарҳанг ва ВАО Мяхриҷамал Мамедова баргузор гардид.
Дар мулоқот ҷонибҳо оид ба вазъи кунунӣ ва дурнамои рушди ҳамкориҳои дуҷониба дар соҳаҳои фарҳанг, санъат, сайёҳӣ ва васоити ахбори омма табодули афкор намуданд.
Аҳамияти густариши муколамаи фарҳангӣ ва башардӯстона миёни ду кишвар низ таъкид шуда, онҳо омодагии худро барои густариши ҳамкориҳо ба нафъи дӯстӣ ва ғанисозии мутақобилаи фарҳангҳои ду кишвар иброз доштанд.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
АКС: Вазорати корҳои хориҷии точикистон
