Донишҷӯёни серб, ки бо натоиҷи интихоботи порлумонӣ розӣ нестанд, аз тасмими баргузории эътирози нав дар Белград хабар доданд. Дар ин бора рӯзномаи Blic хабар медиҳад.
Ба навиштаи нашрия, аксия соати 11:00 ба вақти маҳаллӣ дар назди бинои ҳукумати маҳаллӣ ва вазорати идораи давлатӣ дар пойтахти Сербистон оғоз мешавад.
Гуфта мешавад, ки дар робита ба ташдиди авзоъ дар Белград нишасти Шӯрои амнияти миллии Сербистон соати 15:00 дар назар аст.
Ёдовар мешавем, ки шоми 24 декабр хабар дода шуда буд, ки ҷонибдорони мухолифин дар Сербистон ба нишони норозигӣ аз натоиҷи интихоботи рӯзи 17 декабр бинои маъмурияти Белградро иҳота карда ва талош кардаанд дарҳои онро шикастанд. Полиция мачбур шуд, ки аз гази ашковар истифода барад.
Раисиҷумҳури Сербистон Александр Вучич ин нооромиҳоро инқилоб донистан нахост.
Акс: аз манбаъҳои кушода
