Украина ва Гурҷистон бояд узви Паймони Атлантикаи Шимолӣ (НАТО) шаванд. Дар ин бора намояндаи вижаи дабири кулли НАТО дар Қафқоз ва Осиёи Марказӣ Хавиер Коломина дар мусоҳиба бо «телевизиони ҷамъиятии Гурҷистон» хабар дод.
Вай таъйид кард, ки НАТО ба қарори нишасти Бухарест дар соли 2008 пойбанд боқӣ мемонад. Ин тасмими сиёсӣ аст ва ҳарду кишвар ҳатман узви ин иттиҳод мешаванд, шарҳ дод Хавьер Коломина.
Намояндаи НАТО ҳамчунин гуфт, ки созмон «мехоҳад ислоҳоти дархостшударо бубинад».
Қаблан Николя Саркозӣ, раиси ҷумҳури пешини Фаронса, алайҳи узвияти Украина дар НАТО изҳори назар карда буд. Вай таъкид кард, ки дар давраи раёсати ҷумҳурии худ мухолифи ҳамгироии Украина ва Гурҷистон ба сохторҳои ин паймон буд.
Хабар медихад «Рамблер».
Акс: аз манбаъҳои кушода
