Миср ба Исроил ва Ҳамос тарҳи семарҳила барои хатми низоъ дар навори Ғазза ва давраи пас аз низоъро пешниҳод кард.
Тавре шабакаи телевизионии «Asharq» бо истинод ба манобеъ хабар медиҳад, марҳилаи аввал аз созиши башардӯстона барои ду ҳафта иборат аст ва имкони тамдиди он ба ҳамин давраи муҳлат. Дар ин муддат Ҳамос бояд 40 зани исроилӣ ва кӯдакону пиронсолонро раҳо кунад. Дар посух Исроил 120 маҳбуси фаластиниро раҳо мекунад ва муҳосираи анклавро лағв мекунад.
Марҳилаи дуввум ташкили ҳукумати технократҳоро дар бар мегирад, ки бо масоили кумакҳои башардӯстона, раванди барқарорсозии минтақа ва омодагии интихобот дар Фаластин машғул хоҳад шуд.
Марҳилаи ниҳоии ташаббуси Миср бас кардани оташбас ва табодули сарбозон, инчунин аз ин анклав баровардани нерӯҳои исроилӣ ва иҷозати бозгашт ба гурезаҳоро дар бар мегирад.
Акс: аз манбаъҳои кушода
