Аз 26 то 29 декабр дар Маркази байнулмилалии намоишгоҳҳои Душанбе намоишгоҳи миллии тавлидкунандагони колоҳои Ҷумҳурии Исломии Эрон баргузор мешавад. Дар ин бора аз Палатаи савдо ва саноати Тоҷикистон хабар доданд.
Намоишгоҳро утоқи бозаргонӣ ва саноати Тоҷикистон, утоқи кӯҳӣ ва кишоварзии Эрон ташкил кардаанд. Намоишгоҳ бо дастгирии Ҳукумати Ҷумҳурии Тоҷикистон баргузор мешавад.
Ҳадаф аз баргузории намоишгоҳ намоиши дастовардҳои илмиву фаннӣ ва маҳсулоти беш аз 50 ширкати эронӣ дар бахшҳои энержӣ, сохтмон, саноати сабук, кишоварзӣ, саноъати ғизоӣ, дорусозӣ ва ғайра аст.
Соҳибкорони Тоҷикистон, ки аз намоишгоҳ дидан мекунанд, метавонанд бо намояндагони ширкатҳои эронӣ масоили роҳандозии шарикиро баррасӣ кунанд ва сокинон ва меҳмонони пойтахт метавонанд аз истеҳсолкунандагони эронӣ бо нархи дастрас коло харидорӣ кунанд.
Намоишгоҳ ба густариши равобити тиҷоративу иқтисодӣ ва афзоиши гардиши мол миёни ду кишвар кумак хоҳад кард.
Дар ин бора ба АМИТ «Ховар» хабар медидад.
Акс: аз манбаъҳои кушода
