Бо мақсади таҳкими фаъолияти таҳлилӣ ва ташхисӣ бо дастгирии роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон заминаи техникии Маркази назорати таҳлилӣ-диагностикӣ васеъ карда шуд.
Аз ҷумла, бо ҷалби сармояи хориҷӣ барои муайян кардани сатҳи радиатсионӣ радиометри тамғаи МКГ-01, маҷмӯаи лабораторӣ – октанметри тамғаи 2м7с-СХ барои муайян кардани сифати сӯзишворӣ, таҷҳизоти ченкунии садо, таҷҳизот барои чен кардани суръати партовҳо дар манбаъҳои муташаккил, ки ба фаъолияти самараноки Марказ мусоидат мекунад. Инчунин соли равон бо дастгирии бевоситаи роҳбарияти Кумита барои кормандони Марказ шароити мусоиди корӣ фароҳам оварда шуд, аз ҷумла бо 2 адад компютер, 3 адад принтер ва дигар таҷҳизоти зарурӣ барои фаъолияти Марказ таъмин карда шуд.
Илова бар ин, дар доираи лоиҳаи «Рушди мониторинги обҳои рӯизаминӣ дар Тоҷикистон» тавассути менеҷменти сифат ва ҳамкорӣ (TJK- quality water 11) мутахассисони Пажӯҳишгоҳи ҳифзи муҳити зисти Финландия ба Маркази ташхиси маводи кимиёвии зарурӣ расонида шуданд. таркиби об аз руи панч нишондиханда. Дар доираи лоиҳаи мазкур ба шӯъбаҳои маҳаллии Маркази назорати таҳлилӣ-диагностикӣ се маҷмӯаи компютерӣ ва як таҷҳизот (PH-метр) барои муайян кардани гидроген, минерализатсия, шӯршавӣ ва электроманфият дода шуд.
Ин тадбирҳо барои босифат ва самаранок татбиқ намудани салоҳияти таҳлилӣ ва ташхисии Маркази назорати таҳлилӣ-диагностикӣ оид ба гузаронидани мушоҳидаҳои экологӣ мусоидат намуданд.
Дар ин бора АМИТ «Ховар» бо истинод ба маркази матбуоти Кумита хабар дод.
АКС: Кумитаи хифзи мухити зисти назди Хукумати Чумхурии Точикистон
