Аз 20 то 21 декабр дар шаҳри бостонии Хуҷанд дар доираи Барномаи иштирок дар ЮНЕСКО семинар дар мавзӯи «Таҷдиди рӯйхати пешакӣ ва арзёбии ҳолати ҳифзи ёдгориҳо бо истифода аз усулҳои пешрафтаи ҳуҷҷатгузорӣ» баргузор гардид.
Ҳадаф аз баргузории семинар баррасӣ ва арзёбии ҳолати ёдгориҳои таърихии Ҷумҳурии Тоҷикистон, ки дар рӯйхати пешакии ЮНЕСКО қарор доранд, инчунин баланд бардоштани сифати институтсионализатсияи кадрҳои кишвар оид ба ҳифзи сарватҳои фарҳангӣ, баланд бардоштани савияи дониш ва тахассуси коршиносону мутахассисони махалли оид ба конвенсияхои дахлдори байналхалкии ЮНЕСКО.
Дар семинар 20 нафар коршиносони маҳаллӣ ширкат варзиданд, ки дар миёни онҳо мутахассисони ёдгориҳои фарҳангӣ ва осорхонаҳои шаҳру навоҳии вилоят низ ҳузур доштанд.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
АКС: Вазорати корҳои хориҷии точикистон
