Теъдоди қурбониёни заминларза дар шимолу ғарби Чин ба 118 нафар расид. Дар ин бора нашрияи Independent рӯзи 19 декабр хабар дод.
Тибқи маълумоти охирин, дар ҳоли ҳозир дар музофоти Гансу 105 нафар ва дар вилояти ҳамсояи Цинхай 13 нафар ба қайд гирифта шудааст.Илова бар ин, 20 нафар сокинон дар Цинхай дар ҳоли ҳозир тамос надоранд. Ҳамчунин маълум аст, ки дар он ҷо 182 нафари дигар ҷароҳат бардоштаанд.
Дар минтақаи офати табиӣ як қатор иншооти зерсохторӣ осеб дида, ҳаракати нақлиёт, иртиботот, об ва нерӯи барқ қатъ шудааст.
Пештар аз ин рӯз хабар дода шуд, ки шумори қурбониёни заминларза дар музофотҳои Гансу ва Цинхай дар Чин ба 116 нафар расидааст.
Рӯзи 18 декабр соати 23:59 дар шаҳристони худмухтори Ҷишишан-Баоан-Дунсян Солори префектураи худмухтори Линся Ҳуэй, дар шимолу ғарби музофоти Гансуи Чин заминларза ба шиддати 6,2 дараҷа рух дод. Зимнан зикр гардид, ки баъзе иншоотҳои обтаъминкунӣ, нерӯи барқ, нақлиёт, коммуникатсия ва дигар иншооти инфрасохторӣ осеб дидаанд. Мақомоти Чин дувум аз чаҳор сатҳи эҳтимолии вокунишро дар вилояти Гансу ҷорӣ карданд.
Акс: аз манбаъҳои кушода
