Бонки Рушди АвруОсиё (БРАО) қасд дорад, дар маблағгузории сохтмони нерӯгоҳи Роғун дар Тоҷикистон дар соли 2024 ширкат кунад. Дар ин бора раиси Раёсати БРАО Николай Подгузов дар нишасти матбуотӣ дар Алмаато изҳор дошт.
«Нерӯгоҳи барқи обии Роғун барои Тоҷикистон як тарҳи азим ва калидӣ аст. Мо ҳадафи маблағгузории онро гузоштаем ва ҳоло ҳам бо ҳукумати Ҷумҳурии Тоҷикистон ва ҳам бо иштирокчиёни эҳтимолии синдикати байналмиллалӣ, ки дар ҳоли ҳозир ташкил шуда истодааст, фаъолона ҳамкорӣ дорем», – гуфт роҳбари бонк. «Бо эҳтимолияти баланд, дар соли 2024 мо аллакай дар бораи он сӯҳбат хоҳем кард, ки мо як қисми ин лоиҳаи бузургро ҳамчун як қисми дигар иштирокчиён маблағгузорӣ кардем», — илова намуд у.
Ба гуфтаи ӯ, ҳоло дар мавриди ин тарҳ музокирот миёни ин бонк ва Вазорати молияи Тоҷикистон дар назар аст. Бо вуҷуди ин, чанд шарту масъалае вуҷуд дорад, ки ҳоло ҳам бояд мувофиқа карда шавад, шарҳ дод Подгузов.
ТАСС хабар медихад.
Акс: аз манбаъҳои кушода
