Созмони Милали Муттаҳид аз Виталий Ваншелбоим, муовини собиқи раиси Хадамоти лоиҳаҳои СММ (UNOPS) барои ҷуброни сармоягузориҳои нокомаш 63,6 миллион доллар талаб кардааст. Дар ин бора нашрияи The New York Times (NYT) бо такя ба санадҳои додгоҳӣ хабар додааст.
Дар он гуфта мешавад, ки шаҳрванди Украина Виталий Ваншелбоим ба маблағи баробари маоши яксола ҷарима баста ва муваззаф шудааст, ки шахсан 63 миллиону 626 ҳазору 806 доллар пардохт кунад. Дар акси ҳол, мансабдори собиқ аз ҳуқуқи нафақаи созмони ҷаҳонӣ маҳрум хоҳад шуд.
Ба навиштаи рӯзнома, Ваншелбойм дар як ширкати марбут ба тоҷири бритониёӣ Дэвид Кендрик тақрибан 60 миллион доллар сармоягузорӣ кардааст, аммо ин сармоягузорӣ муваффақ нашуд, ки ҳамагӣ 10 дарсади он пардохта шуд. Ин мансабдор моҳи январ аз мақом барканор шуд. Худи айбдоршаванда хостааст, ки қарорҳо дар бораи аз кор озод кардан ва ҷарима бекор карда шаванд. Ин парванда соли 2024 баррасӣ мешавад.
Акс: аз манбаъҳои кушода
