Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Мӯъминзода бо Сафири Фаронса дар Ҷумҳурии Тоҷикистон Элза Пиньол мулоқот намуд. Ин дидор бо ҳадафи таҳкими ҳамкориҳои Тоҷикистону Фаронса дар заминаи гардишгарӣ баргузор шудааст.
Зимни мулоқот доир ба рушди муносибатҳои дуҷониба дар соҳаи сайёҳӣ, ҳамкориҳои ширкатҳои сайёҳии ду кишвар, омӯзиши таҷрибаи Фаронса ва ҷалби сармоя дар ин самт табодули афкор сурат гирифт.
Раиси Кумита иттилоъ дод, ки дар партави дастгирии пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сиёсати «дарҳои боз»-и Ҳукумати Ҷумҳурии Тоҷикистон, имрӯз дар кишвар тамоми имкониятҳо барои рушди сайёҳӣ бо фароҳам овардани шароити мусоиди ҳуқуқӣ, соддагардонии раванди дарёфти раводид, ҷорӣ намудани низоми бидуни раводид, додани имтиёзҳо ба соҳибкорони ватаниву хориҷӣ, коҳиш додани мизони андоз дар соҳаҳои сайёҳӣ, тавсеаи ҳамкорӣ бо кишварҳои хориҷӣ, тамоми талошҳо ба он равона карда шудааст, ки меҳмонону сайёҳон ба Тоҷикистон меоянд кишвар метавонад озодона ва бехатар бо таҷрибаи фаромӯшнашаванда сафар кунад.
Дар баробари ин, масъалаҳои истифодаи самараноки таҷрибаи пешқадами Фаронса дар пешбурди соҳаи сайёҳии кишвар дар бахши хизматрасонӣ ва ташкили давраҳои омӯзишӣ дар ин самт барои кормандони соҳаи сайёҳии Ҷумҳурии Тоҷикистон ва табодули сайёҳон байни ду кишвар баррасӣ шуданд.
В завершение встречи стороны выразили заинтересованность в плодотворном сотрудничестве, укреплении дружбы и повышении экономического уровня в развитии туризма.
Дар ин бора ба АМИТ «Ховар» бо истинод ба Кумитаи рушди сайёҳӣ хабар медиҳад.
Акс: Кумитаи рушди сайёҳии назди Ҳукумати Ҷумҳурии Тоҷикистон
