Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзод бо Раиси Шӯрои Маҷлиси миллии Беларус Наталя Кочанова мулоқот намуд.
Дар мулоқот ҷонибҳо вазъи кунунӣ ва дурнамои рушди ҳамкориҳои Тоҷикистону Беларусро баррасӣ карданд. Ба таҳкими минбаъдаи робитаҳои байнипарлумонӣ таваҷҷӯҳ зоҳир гардид.
Инчунин оид ба ҳамкориҳо дар соҳаи гуманитарӣ, бахусус дар соҳаи маориф, илм ва технологияҳои нав табодули афкор сурат гирифт.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
АКС: Вазорати корҳои хориҷии точикистон
