Шумораи фавтидагон дар натиҷаи ҷиноят ва зӯроварии хонаводагӣ дар саросари ҷаҳон дар соли 2022 нисбат ба шумораи фавтидагон бар асари низоъҳои низомӣ ва терроризм тақрибан 50% зиёдтар буд. Ин дар як пажӯҳиши ҷаҳонӣ оид ба сабабҳои куштор аз ҷониби Идораи СММ оид ба маводи мухаддир ва ҷинояткорӣ гуфта мешавад.
«Шабакаи мураккаби омилҳое, ки боиси марги одамкушӣ дар саросари ҷаҳон мешаванд – аз зӯроварии гендерӣ нисбати занон ва духтарон, ҷиноятҳои муташаккил ва зӯроварии гурӯҳӣ, то камбизоатӣ ва нобаробарӣ – нишон медиҳад, ки муносибати ягона барои ҳама вуҷуд надорад. Ман умедворам, ки ин тадқиқоти нави ҷаҳонӣ ба таҳияи сиёсатҳо ва вокунишҳои пешгирикунанда дар асоси далелҳо барои рафъи сабабҳои аслии ин зӯроварӣ ва наҷот додани ҳаёт кӯмак хоҳад кард», — гуфт директори ичроияи СММ Геда Фатхи Вали.
Тавре дар пажӯҳиш зикр гардид, дар солҳои 2019-2021 шумораи миёнаи фавтидагон бо сабабҳои ҷиноӣ дар саросари ҷаҳон тақрибан 440 ҳазор нафарро ташкил додааст. Гузашта аз ин, дар ин давра ба ҳисоби миёна солона 94 ҳазор нафар бар асари низоъҳои низомӣ ва 22 ҳазор нафар бар асари терроризм ҷон бохтанд.
Хабар медихад «Рамблер».
Акс: аз манбаъҳои кушода
