Ҳайати Ҷумҳурии Тоҷикистон таҳти раҳбарии Завқӣ Завқизода, вазири рушди иқтисод ва савдои кишвар, рӯзи 8-уми декабр дар Маскав дар 100-умин ҷаласаи Шӯрои иқтисодии Иттиҳоди Давлатҳои Мустақил ширкат кард.
Зимни мулоқот масъалаҳои ҳамкориҳо дар бахшҳои тиҷорату иқтисод, саноат, энергетика, нақлиёт, молия, дифоъ ва моликияти зеҳнӣ баррасӣ шуданд.
Яке аз ҳуҷҷатҳои муҳим нақшаи чорабиниҳо оид ба беҳтар намудани инфрасохтор ва рушди долонҳои байналмилалии нақлиётии убури сарҳади кишварҳои узви ИДМ дар давраи то соли 2030 буд, ки дар баланд бардоштани самаранокии ҳамлу нақли хориҷӣ ва транзитӣ саҳми арзанда мегузорад.
Монеаҳо дар савдои мутақобилаи кишварҳои узви Иттиҳоди Давлатҳои Мустақил низ баррасӣ ва барои рафъи онҳо тавсияҳо қабул шуданд.
Дар ҳоли ҳозир нисфи гардиши тиҷорати хориҷии Тоҷикистон ба кишварҳои узви Иттиҳоди Давлатҳои Мустақил рост меояд.
Дар ин бора ба АМИТ «Ховар» бо истинод ба Вазорати рушди иқтисод ва савдои Ҷумҳурии Тотористон хабар медиҳад.
Акс: Вазорати рушди иқтисод ва савдои ҶТ
