Федератсияи Русия омода аст аз Тоҷикистон гӯшти мурғ, тухм, меваи хушк ва ҷавоҳирот бихарад Дар ин бора зимни мулоқоти ҳайъати вилояти Суғд бо роҳбарони як қатор ширкатҳои маъруфи Русия гуфта шуд, хабар медиҳад хадамоти матбуоти раиси вилояти Суғд.
Ҳайати вилояти Суғд таҳти раҳбарии раис Раҷаббой Аҳмадзода аз 2 то 4 декабр дар шаҳри Санкт-Петербург қарор дошт.
Намояндагони Тоҷикистон бо раҳбарони ширкатҳои «Лента», «Токио Сити», «Акрос» ва «ЮМО» мулоқот карданд.
Ба соҳибкорони рус дар бораи имкониятҳои мавҷуда дар вилояти Суғд, вазъи иқтисод, саноати сабук, металлургия, истеҳсоли заргарӣ, кишоварзӣ, боғдорӣ ва моҳипарварӣ маълумот дода шуд.
Масъалаҳои сармоягузорӣ ба иқтисодиёти вилояти Суғд низ баррасӣ шуданд.
Дар ин бора ба АМИТ «Ховар» хабар медидад.
Акс: Хадамоти матбуоти раиси вилояти Суғд
