Раёсати Барномаи вижаи СММ барои иқтисоди Осиёи Марказӣ (БВИОМ) соли 2024 аз Озарбойҷон ба Тоҷикистон мегузарад. Дар ин бора раисиҷумҳури Тоҷикистон Эмомалӣ Раҳмон дар нишасти сарони ин созмон дар Боку хабар дод.
«Президенти ҷумҳурӣ Эмомалӣ Раҳмон тасмими ҳукуматро дар бораи раисии БВИОМ дар соли 2024 эълон кард», — кайд карда мешавад дар изхороти хадамоти матбуоти сарвари давлат.
Ба гуфтаи вай, авлавиятҳои Тоҷикистон ба таҳкими натоиҷи мавҷудаи фаъолияти созмон ва таъмини дастовардҳои нав нигаронида мешаванд.
Барномаи БВИОМ моҳи марти соли 1998 бо мақсади мусоидат ба ҳамкориҳои иқтисодӣ ва ҳамгироии кишварҳои минтақа ба иқтисоди ҷаҳонӣ таъсис дода шудааст. Иштирокчиёни барнома Узбакистон, Озарбойҷон, Қазоқистон, Қирғизистон, Тоҷикистон ва Туркманистон мебошанд. Дар ин ҳамоиш президентҳои Қазоқистон Қосим-Ҷомарт Тоқаев, Қирғизистон Садир Жапаров ва Узбакистон Шавкат Мирзиёев ширкат доштанд. Ин чорабинӣ дар пойтахти Озарбойҷон таҳти раёсати президенти ҷумҳурӣ Илҳом Алиев баргузор шуд. Дар поёни нишаст сарони давлатҳо Эъломияи Бокуро қабул карданд.
ТАСС хабар медихад.
Акс: аз манбаъҳои кушода
