Дар пасманзари созиш артиши Исроил ба сӯи мардуме, ки мехостанд ба шимоли навори Ғазза баргарданд, оташ кушоданд, хабар медиҳад хабарнигори Алҷазира.
Ба гуфтаи ин шабака, дар натиҷа ҳафт фаластинӣ захмӣ шудаанд.
Рӯзномаи Times of Israel қаблан гузориш дода буд, ки нерӯҳои дифоъии Исроил (ЦАХАЛ) варақаҳоеро болои навори Ғазза партофта, аз сокинон даъват кардаанд, ки ба шимоли ин анклав барнагарданд, ки ба гуфтаи онҳо, бо вуҷуди оташбас як минтақаи низоъ боқӣ мемонад.
Қаблан хабар дода шуда буд, ки оташбас дар навори Ғазза бояд рӯзи ҷумъаи 24 ноябр соати 07:00 (10:00 ба вақти Душанбе) оғоз мешуд. Аввалин гурӯҳи гаравгонҳо ҳамон рӯз тақрибан соати 19:00 ба вақти Душанбе озод карда мешаванд. Дар маҷмӯъ, интизор меравад 50 гаравгон дар давоми чаҳор рӯз раҳо шаванд.
Акс: REUTERS/Ibraheem Abu Mustafa
