Мақомоти Туркия ба НАТО хабар доданд, ки онҳо наметавонанд дархости Шветсияро барои узвият то нишасти вазирони хориҷаи кишварҳои паймон дар Брюссел, ки рӯзҳои 28-29 ноябр баргузор шавад, тасвиб кунанд. Дар ин бора хабаргузории Reuters хабар додааст.
Манобеъи ожонс гуфтаанд, ки кумитаи равобити хориҷии порлумони Туркия метавонад баҳсҳои тасвиби ин санадро рӯзҳои 28 ё 29 ноябр аз сар бигирад. Баъзе намояндагони НАТО интизор буданд, ки то мачлиси вазирони корхои хоричй Швеция аллакай аъзои ин иттифок шуда метавонад ва маросими дахлдор ташкил карда мешавад, кайд мекунад агентии Рейтер.
Протоколи шомилшавии Шветсия ба НАТО аз ҷониби 31 кишвари узви ин паймон ба тасвиб расида, танҳо Венгрия ва Туркия онро тасдиқ накардаанд. Дар бораи тасвиби ҳарчи зудтари ин санад аз ҷониби Анкара миёни НАТО, Туркия ва Шветсия то нишасти сарони ин паймон дар Вилнюс дар моҳи июл созиш ҳосил шуда буд. Аммо ҷониби Туркия баъдан барои тасвиби ин дархост чанд шарт, аз ҷумла ҳамкорӣ дар мубориза бо терроризм ва суръат бахшидан ба ҳамгироии иқтисодӣ ва раводид бо Иттиҳодияи Аврупоро ба миён гузошт.
Акс: аз манбаъҳои кушода
