Тоҷикистон имкони пайвастшавӣ ба хадамоти махсуси Федератсияи Русия «Агроэкспресс»-ро баррасӣ мекунад, ки интиқоли босуръати маҳсулоти кишоварзиро тавассути роҳи оҳан таъмин мекунад. Дар ин бора дар харитаи роҳ то соли 2025, ки аз ҷониби вазирони нақлиёти Тоҷикистону Русия Азим Иброҳим ва Виталий Савелев дар Маскав ба имзо расид, омадааст, хабар медиҳад маркази матбуъотии Вазорати нақлиёти ҷумҳурӣ.
«Тибқи нақшаи амалии амал (харитаи роҳ) оид ба ҳамкорӣ дар соҳаи нақлиёт миёни Тоҷикистон ва Федератсияи Русия барои солҳои 2023-2025, имкони пайвастани Тоҷикистон ба лоиҳаи «Агроэкспресс» баррасӣ мешавад», — гуфта мешавад дар хабар.
Раёсат қайд кард, ки шомилшавии ҷумҳурӣ ба ин лоиҳа метавонад муҳлати интиқоли маҳсулоти зудвайроншавандаро тезонад ва хатари омилҳои ба сифати мол таъсиркунандаро коҳиш диҳад.
ТАСС хабар медихад.
Акс: аз манбаъҳои кушода
