Қирғизистон ва Тоҷикистон дар масъалаи мушаххас кардани хатти марзии ду кишвар ба сатҳи ҳалли дипломатии мушкил расидаанд. Дар ин бора Оқилбек Жапаров, раиси Девони вазирони Қирғизистон зимни суханронӣ дар парлумони Қирғизистон изҳор дошт.
«Дар ҷаласаи Шӯрои Олӣ Раиси Девони Вазирон, Роҳбари Дастгоҳи Президент Оқилбек Жапаров ба корҳое, ки дар самти делимитатсия ва демаркатсияи сарҳади давлатӣ ва дар соҳаи таъмини амният анҷом дода мешаванд, таваҷҷуҳ зоҳир намуд. Вай дар суханронии худ гуфт, ки раванди делимитатсияи сарҳади давлатии Қирғизистону Узбакистон ба анҷом расида, дақиқ кардани марзи давлатии Қирғизистону Тоҷикистон ба роҳи дипломатӣ миёни ду кишвар гузаштааст», — гуфта мешавад дар изҳороти дафтари матбуоти ҳукумати Қирғизистон.
Дар ҳоли ҳозир Қирғизистон расмиёти делимитатсия ва аломатгузории қитъаи умумии марзро танҳо бо Тоҷикистон анҷом надодааст. Бо Чин, Қазоқистон ва Узбакистон ин раванд ба анҷом расидааст. Дарозии марзи Қирғизистону Тоҷикистон беш аз 900 километрро ташкил медиҳад, ки ба далели мавҷудияти манотиқи баҳсбарангез байни тарафҳо давра ба давра муноқишаҳо, аз ҷумла бо истифода аз силоҳ ба вуҷуд меоянд. Дар ҳоли ҳозир беш аз се ду ҳиссаи хатти сарҳад аллакай мувофиқа шудааст.
ТАСС хабар медихад.
Акс: аз манбаъҳои кушода
