Аргентина муносибаташро бо Русия, Чин ва Бразилия қатъ карданӣ нест. Дар ин бора нашрияи Noticias Argentinas рӯзи чаҳоршанбеи 22 ноябр бо такя ба Диана Мондино, номзад ба мақоми раиси вазорати хориҷаи Аргентина хабар дод.
«Бо Русия танаффус нахоҳад буд. Бозхонди сафир бояд вазъияти ниҳоят ҷиддӣ бошад», — Вай дар мусоҳиба бо шабакаи телевизионии TN гуфт.
Дипломат инчунин қайд кард, ки дар муносибатҳо бо Бразилия ва Чин ҳеҷ гуна танаффус ё тағирот вуҷуд надорад. Ҳамин тариқ, Аргентина ва Бразилия ҳамеша якҷоя кор мекарданд ва кор хоҳанд кард, ёдовар шуд Мондино. Раҳбари эҳтимолии вазорати хориҷа таъйид кард, ки «ягон сафар ба Украина ба нақша гирифта нашудааст», аммо ин кишвар ният дорад бо мардуми Украина ва Исроил ҳамкорӣ кунад.
Майли дар интихоботи президентии Аргентина дар пайи натоихи даври дувуми овоздихии рузи 19 ноябр баранда шуд. Хабар дода шуд, ки бад аз шумориши 87 дарсади баргахои райи ба тарафдори худ 56 дарсад ва ба рақибаш, номзади хизби ҳоким Серхио Масса 44 дарсади оро дода шудаст.
Дар нахустин суханронии худ пас аз интихоб шуданаш Майлӣ вазъ дар кишварро шадид арзёбӣ кард. Вай афзуд, ки давлат ба тағйироти куллӣ ниёз дорад. Майли қайд кард, ки мақомот бо тамоми кишварҳои ҷаҳони озод барои «сохтани ояндаи беҳтар» ҳамкорӣ хоҳанд кард.
Акс: аз манбаъҳои кушода
