Владимир Путин, раиси ҷумҳури Русия рӯзи 21 ноябр ба ҳамкор аз Тоҷикистон Эмомалӣ Раҳмон ордени «Барои хизмат дар назди Ватан» дараҷаи III, ки моҳи октябри соли гузашта дар остонаи 70-солагии зодрӯзаш сарфароз шуда буд, тақдим мекунад. Дар ин бора котиби матбуотии президенти Русия Дмитрий Песков ба хабарнигорон хабар дод.
Намояндаи Кремл дар бораи рӯйдодҳое, ки дар чаҳорчӯби сафари Эмомалӣ Раҳмон ба Маскав сурат мегирад, гуфт: «Имрӯз сарвари давлати Русия бо президент Раҳмон дар доираи маҳдуд сӯҳбат ва баъдан музокироти Русияву Тоҷикистонро анҷом медиҳад. Онҳо дар формати субҳонаи корӣ хоҳанд буд. Президент Путин ҳамчунин Эмомалӣ Раҳмонро бо ордени «Барои хизмат дар назди Ватан» дараҷаи III сарфароз хоҳад кард». Ин чорабиниҳо, қайд кард Песков, дар Қасри Калони Кремл баргузор мешаванд.
Сухангӯи Кремл ҳамчунин тавзеҳ дод, ки «бегоҳӣ — пас аз танаффус – президентҳо Путин ва Раҳмон мулоқоти як ба яки худро дар як зиёфати ғайрирасмӣ, ки Путин ба шарафи меҳмони олиқадраш баргузор мекунад, идома медиҳанд.» Вохӯрии бегоҳӣ, ба гуфтаи котиби матбуотии раҳбари Русия, дар бинои якуми Кремл баргузор мешавад.
ТАСС хабар медихад.
Акс: аз манбаъҳои кушода
