Рӯзи 16 ноябр дар шаҳри Сиани музофоти Шэнси (Чин) муовини вазири рушди иқтисод ва савдои Тоҷикистон Фарҳоди Восидиён дар 7-умин намоишгоҳи абрешим ширкат кард. Дар ин бора маркази матбуоти вазорат хабар додаст.
Гуфта мешавад, ки тайи солҳои ахир рушди равобити дуҷонибаи Тоҷикистону Чин тамоюли мусбат дошт.
«Аз соли 2007 то 2023 сармояи чинӣ дар Тоҷикистон 3 миллиарду 340 миллион долларро ташкил додааст. Аз ин 1,2 миллиард доллар сармояи мустақим аст. Дар ҳоли ҳозир дар Тоҷикистон беш аз 580 ширкат бо сармоягузории Чин фаъолият мекунанд», — афзуд Фарҳоди Восидиён.
Дар ҷараёни намоишгоҳ ба рушди ҳамкориҳои байниминтақавӣ ва содироти маҳсулоти кишоварзӣ аз Тоҷикистон ба музофоти Шэнси, аз ҷумла лимӯ, зардолуи тару хушк, харбуза, ангур, хурмо, чормағз ва анор таваҷҷуҳи хоса зоҳир карда шуд.
Дар ин бора ба АМИТ «Ховар» хабар медидад.
Акс: аз манбаъҳои кушода
