Намояндагии Россотрудничество дар Тоҷикистон дар якҷоягӣ бо кормандони Консулгарии генералии Федератсияи Русия дар Хуҷанд ба Мактаби президентии кӯдакони лаёқатманди шаҳри Бӯстони вилояти Суғд беш аз 1 ҳазор китоби дарсӣ ҳадя кард. Дар ин бора дафтари матбуоти намояндагӣ хабар додааст.
«Намояндагони Россотрудничество ва консулгарии генералии Русия дар Хуҷанд ба хонандагони Мактаби президентии ноҳияи Бӯстон беш аз 1 ҳазор адад китоби дарсӣ ва васоити таълимӣ барои мактабҳои миёна оварданд. Дар он ҷо таълим бо ду забон – русӣ ва тоҷикӣ сурат мегирад», — гуфта мешавад дар хабар.
Тавре аз хадамоти матбуот маълум кард, хонандагон китобҳои дарсӣ аз фанҳои алгебра, биология, геометрия, информатика, химия, физика, инчунин адабиёт ва забони русӣ барои синфҳои 5-11 гирифтанд. Илова бар ин, баъд аз супоридани китобҳо раиси Хонаи русии шаҳри Хуҷанд Татяна Мудрова ба мактаббачагон дар бораи имкон ва тартиби дохил шудан ба донишгоҳҳои Русия бар асоси квота маълумот дод.
Россия ба мактабхо, каерхои маданият ва китобхонахои точикон мунтазам китобхои дарсй ва адабиёт медихад, ба омузиши забони русй дар республика, ки дар Точикистон забони муоширати байни миллатхо дорад, дастгирй мекунад. Аз ҷумла, дар моҳи октябр ба мактабҳои деҳоти ноҳияи Ғафуров ва инчунин шаҳри Истиқлол китобҳои дарсӣ тақсим карда шуданд.
ТАСС хабар медихад.
Акс: аз манбаъҳои кушода
