Рӯзи 15 ноябр дар шаҳри Бохтар раиси вилояти Хатлон Давлаталӣ Саид, Сафири Фавқулода ва Мухтори Ҷумҳурии Қазоқистон дар Тоҷикистон Валихон Туреханов, намояндагони доираҳои соҳибкорӣ ва сармоягузории Қазоқистон ҳамкориҳои мутақобилан судманди вилояти Хатлон ва Қазоқистонро баррасӣ карданд.
Дар вохӯрӣ ба бунёди муносибатҳои дарозмуддат, ки ба истифодаи самараноки иқтидор мусоидат мекунанд, таваҷҷӯҳ зоҳир карда шуд.
Қайд карда мешавад, ки ҷануби Тоҷикистон ҳамеша бо маҳсулоти кишоварзии баландсифат ва аз ҷиҳати экологӣ тоза машҳур буд. Соли гузашта дар вилоят 410 ҳазор тонна пиёзи барвактӣ истеҳсол шуда, бештари он ба бозорҳои хориҷӣ, аз ҷумла ба Қазоқистон содир шудааст. Дар вилоят хар сол зиёда аз 80 хазор тонна нахи пахта, 55 хазор пусти чорвои калону майда, зиёда аз 6 хазор тонна пашм истехсол карда мешавад, ки кисми зиёди он ба хорича фиристода мешавад.
«Вилояти Хатлон омода аст содироти маҳсулоти худро ба Қазоқистон афзоиш диҳад», — гуфт раиси вилоят.
Соҳибкорони қазоқ ба афзоиши ҳаҷми содироти пахта, сабзавот ва меваҷот ба Қазоқистон изҳори ҳавасмандӣ карданд.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Акс: аз манбаъҳои кушода
