Бо мақсади баланд бардоштани сатҳу сифати дониши донишҷӯён, бо маводи таълимӣ таъмин намудани онҳо ва тартиб додани китобҳои дарсӣ барои муассисаҳои таҳсилоти олӣ ва миёнаи касбӣ Донишгоҳи давлатии омӯзгории Тоҷикистон ба номи. Садриддин Айнӣ олимону муҳаққиқон ва омӯзгорони варзидаро ба ҳамкорӣ даъват мекунад.
Довталабони вазорату идораҳо, Академияи миллии илмҳои Тоҷикистон, Академияи миллии маориф, муассисаҳои таҳсилоти олӣ ва миёнаи касбии кишвар, инчунин шахсони дорои таҷрибаи тартиб додани китобҳои дарсӣ метавонанд барои бастани шартнома ба раёсати донишгоҳ муроҷиат намоянд.
Лутфан таваҷҷӯҳ намоед, ки китобҳои дарсии тартибдодашуда аз ҳисоби раёсати донишгоҳ ройгон нашр мешаванд ва ба муаллифон ҳаққи қалам пардохт карда мешавад. Дархостҳо барои китобҳои дарсӣ то 30 ноябри соли 2023 қабул карда мешаванд. Рӯйхати фанҳое, ки аз рӯи онҳо бояд китобҳои дарсӣ тартиб дода шаванд, замима карда мешавад.
Барои маълумоти иловагӣ довталабон метавонанд ба суроғаи: шаҳри Душанбе, хиёбони Рӯдакӣ, 121 ва телефони 2242012 муроҷиат намоянд.
Дар ин бора ба АМИТ «Ховар» бо истинод ба донишгоҳ хабар медиҳад.
Акс: аз манбаъҳои кушода
