Русия ба кори мақомоти Тоҷикистон дар самти ҷилавгирӣ аз интиқоли маводи мухаддир аз Афғонистони ҳамсоя ва назорати авзоъ дар ин кишвар баҳои баланд дода, ҳамчунин омода аст, дар чаҳорчӯби Созмони ҳамкориҳои Шанхай (СҲШ) дар якҷоягӣ бо Душанбе усулҳои нави мубориза бо таҳдидҳоро ҷустуҷӯ кунад. . Дар ин бора Семён Григорьев, сафири Русия дар Тоҷикистон хабар дод.
«Мо кори ҷониби Тоҷикистонро дар мониторинги вазъ дар Афғонистони ҳамсоя, талошҳои миллӣ дар самти ҷилавгирӣ аз вуруди идеологияи ифротгароӣ ва мубориза бо қочоқи маводи мухаддир аз қаламрави Афғонистон баҳои баланд медиҳем. Мо омодаем, ки бо Душанбе дар платформаи СҲШ ҳамкорӣ кунем, то механизмҳои нави муассири муқовимат ба таҳдидҳо дар ин соҳаро пайдо кунем», — гуфт сафир дар мизи мудаввар «Рол Эмомали Рахмон дар ташаккул ва инкишофи СХШ», ки дар Душанбе барпо гардид.
Дипломат қайд кард, ки Федератсияи Русия аз дигар ташаббусҳои Раҳмон дар СҲШ низ пуштибонӣ мекунад. «Мехоҳам суханони раисиҷумҳур Эмомалӣ Раҳмонро, ки соли гузашта дар Самарқанд садо дода буд, қайд намоям, ки маҳз минтақаи Осиёи Марказӣ минбаъд низ бояд меҳвари СҲШ боқӣ монад. Русия низ ҳамин мавқеъро пуштибонӣ мекунад ва дар чаҳорчӯби равобити иттифоқӣ бо Тоҷикистон ва кишварҳои дигари Осиёи Марказӣ омода аст, дар ҳалли мушкилоте, ки барои кишварҳои «панҷ»-и ин созмон муҳим аст, кор кунад».
ТАСС хабар медихад.
Акс: аз манбаъҳои кушода
