Номи мансабдорон – доварон, нозирони доварон ва комиссароне маълум шуд, ки дар бозиҳои моҳи ноябрии сабқати интихобии Ҷоми ҷаҳон-2026 бо ширкати тими миллии футболи Тоҷикистон доварӣ мекунанд.
Бозии даври аввали даври дуввуми мусобиқоти интихобии Ҷоми ҷаҳонии футбол-2026 дар гурӯҳи «G» миёни дастаҳои мунтахаби Тоҷикистону Урдунро ҳайати доварон аз Ироқ доварӣ мекунад. Довари асосиро довари 46-солаи ФИФА Алӣ Сабоҳ Аддай Ал-Қаиси таъин мекунад. Дар майдон ба ӯ ҳамватанонаш – ёварони доварони ФИФА Ҳайдар Абдулҳасан Алӣ Убайдӣ ва Амир Довуд Ҳусейн Ал-Виндавӣ кумак хоҳанд кард. Вазифаҳои довари эҳтиётиро Зайд Темур Муҳаммад иҷро мекунад. Саъд Ал-Фадлӣ аз Кувайт кори доваронро тафтиш мекунад ва Юн Мун Чуен аз Ҳонгконг комиссари бозӣ таъин мешаванд. Ин бозӣ рӯзи панҷшанбеи 16 ноябр дар Варзишгоҳи марказии ҷумҳуриявии Душанбе баргузор шуда, соати 18:00 оғоз мешавад.
Вохӯрии даври дувуми сабқати интихобии Ҷоми ҷаҳон-2026 миёни дастаҳои мунтахаби Покистону Тоҷикистонро ҳайати доварон аз Ҷопон доварӣ мекунанд. Юсуке Араки сарсудя таъин шуд. Ёрдамчиёни ӯ Ҷун Михара ва Кота Ватанабе хоҳанд буд. Довари эҳтиётӣ Дуй Лан Нго аз Ветнам хоҳад буд. Кадхум Ауда Лазим Ал-Саидӣ аз Ироқ нозири доварон ва Алим Орифов аз Узбакистон комиссари бозӣ таъин шуданд.
Бозии Покистону Тоҷикистон рӯзи сешанбеи 21 ноябр дар варзишгоҳи «Джинна» дар Исломобод баргузор шуда, соати 14:00 оғоз мешавад.
Дар ин бора ба АМИТ «Ховар» бо истинод ба Федерацияи футчи Точикистон хабар медидад.
АКС: Федератсияи футболи Тоҷикистон
