Рӯзи 9-уми ноябр дар ҷамоати деҳоти Намунаи ноҳияи Панҷи вилояти Хатлон дар ҳудуди деҳаи «10-солагии Истиқлолияти давлатӣ» боришоти шадид боиси омадани сел гардид. Дар нати-чаи пур кардани мачрои сели Овзикент-2 сел ба амал омада, ба 6 бинои истикоматй ва 74 китъаи наздихавлигй зарар расонд.
Бояд гуфт, ки дар ин рӯз дар деҳаи Пахтакори ҷамоати деҳоти ба номи Кабут Сайфутдинов бар асари омадани сел 21 замини наздиҳавлигӣ ва се иншооти ёрирасони сокинони маҳаллӣ осеб дидааст.
Дар натиҷаи боло рафтани сатҳи оби канали деҳаи Отчопари ҷамоати деҳоти Озодагон аз соҳилҳои он баромада, таҳхонаҳои 12 бинои истиқоматии сокинони маҳаллӣ зери об мондааст.
Гурӯҳи кории Кумита ва Комиссияи изтирории ноҳиявӣ дар ҷойи ҳодиса барои муайян кардани хисорот ва расонидани кумак идома дорад. Барои рафъи окибатхои офати табий техникам махсус сафарбар карда шуд. Дар натиҷаи омадани сел талафот ва харобиҳо ба қайд гирифта нашудааст.
Ба иттилои Агентии обуҳавошиносии кишвар, то 10 ноябр эҳтимоли омадани сел дар маҳалҳо, болоравии сатҳи оби рӯдхонаҳо, ярч ва рехтани сангҳо боқӣ мемонад.
Кумита бо назардошти шароити имрӯзаи обу ҳаво аз шаҳрвандон даъват мекунад, ки қоидаҳои оддии бехатарии шахсиро риоя намуда, аз саёҳат дар кӯҳҳо ва ҷамъоварии ҳезум худдорӣ намоянд.
Хамаи захбурхо, чуйборхо, сел-хоеро, ки дар назди хонахо вокеъ гардидаанд, тоза кардан лозим аст.
Дар ин бора ба АМИТ «Ховар» бо истинод ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар дод.
Акс: Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
