Табибони амрикоӣ бори аввал дар таърих ҷарроҳии пурраи пайванди чашмро ба инсон анҷом доданд. Дар ин бора хабаргузории Reuters рӯзи 9 ноябр менависад.
Бемор як собиқадори низомии 46-сола аз Арканзас буд. Ин мард ҳангоми тасодуфан ба сими барқ пайдо шуданаш сахт маҷрӯҳ шуд. Ӯ чашми чап, бинӣ, лабҳо, дандонҳои пеш, як қисми рухсора ва манаҳашро то устухон гум кардааст.
«Гурӯҳи ҷарроҳони Маркази тиббии Донишгоҳи Лангоне дар Ню-Йорк аввалин бор дар ҷаҳон трансплантатсияи пурраи чашм ва қисман рӯйро анҷом доданд», — духтурон хабар медиханд.
Амалиёти мазкур рӯзи 27 май сурат гирифт. Он тақрибан 21 соат давом кард ва дар он 140 нафар ҷарроҳон ва кормандони тиб ширкат доштанд.
Тавре гуфта шуд, ҳанӯз маълум нест, ки мард бо чашми нав бубинад ё на, аммо «чашми трансплантатсияшуда аломатҳои муҳими саломатӣ, аз ҷумла рагҳои хунравии хуб ва ретинаи умедбахшро нишон дод.» Ба гуфтаи табибон, ин дастовард барои боз кардани имконоти нав барои пешрафт дар табобати биниш мусоидат мекунад.
Акс: аз манбаъҳои кушода
