Намояндагони Қирғизистону Тоҷикистон дар бораи беш аз 17 километр марзи муштарак ба мувофиқа расиданд. Дар ин бора дафтари матбуоти ҳукумати Қирғизистон хабар додааст.
«Дар шаҳри Бӯстони вилояти Суғди Тоҷикистон рӯзҳои 1-8 ноябр ҷаласаи навбатии гурӯҳҳои кории топографии ҳайатҳои ҳукуматии Қирғизистон ва Тоҷикистон оид ба делимитатсия ва аломатгузории марзи Қирғизистону Тоҷикистон баргузор шуд. Гурӯҳҳои кории топографӣ дар 17,98 километр марзи давлатии Қирғизистону Тоҷикистон ба мувофиқа расиданд», — гуфта мешавад дар хабар.
Бино ба иттилои хадамоти матбуоти сарвари давлат, ҷонибҳо дар мулоқоти навбатӣ, ки дар қаламрави Қирғизистон доир мегардад, корҳоро оид ба тавсифи минтақаҳои боқимонда идома медиҳанд.
Дарозии марзи ду ҷумҳурӣ беш аз 970 километрро ташкил медиҳад. Дар ҳоли ҳозир беш аз се ду ҳиссаи хатти марз мувофиқа шудааст.
Оқилбек Жапаров, раиси Девони вазирони Қирғизистон, қаблан изҳори умедворӣ карда буд, ки Бишкек ва Душанбе дар ояндаи наздик раванди таъйини марз ва аломатгузории марзро ба анҷом расонанд.
ТАСС хабар медихад.
Акс: аз манбаъҳои кушода
