Русия таъминкунандаи боэътимод боқӣ монда, содироти маводи сӯзишворӣ ва молиданиро ба Тоҷикистон бо нархҳои имтиёзнок мувофиқи талаботи ҷумҳурӣ ва рушди иқтисоди он афзоиш медиҳад. Дар ин бора Семён Григорьев, сафири Русия дар Душанбе хабар дод.
«Дар сохтори содироти Русия ба Тоҷикистон дар моҳҳои январ-июни соли 2023 39%-и таҳвилро маҳсулоти маъданӣ – 299,8 миллион доллар, аз он ҷумла маҳсулоти нафтӣ – 268,3 миллион доллар (бо ҳаҷми ҷисмонӣ – 391,5 ҳазор тонна) ташкил додааст. Ва бо назардошти рушди иқтисоди Тоҷикистон мо ин ҳаҷмҳоро пайваста афзоиш медиҳем», — гуфт дар сухбат бо мухбири газетаи «СССР» дипломат.
Вай қайд кард, ки дар нимсолаи аввали соли 2023 таъминот нисбат ба ҳамин давраи соли гузашта ба ҳисоби пул 12,4 фоиз ва ҳаҷми ҷисмонӣ 35,6 фоиз зиёд шудааст. «Русия ягона ва асосии боэътимоди таъминкунандаи маводи сӯзишворӣ ва молиданӣ дар бозори Тоҷикистон боқӣ мемонад. Мо маҳсулоти нафтиро дар чаҳорчӯби созишномаи дуҷонибаи ҳукуматҳои Русия ва Тоҷикистон дар бораи ҳамкорӣ дар интиқоли маҳсулоти нафтӣ ба ҷумҳурӣ бо нархҳои имтиёзнок таъмин мекунем», – афзуд Григорьев.
ТАСС хабар медихад.
Акс: аз манбаъҳои кушода
