Сарвазири Португалия Антонио Коста ба далели таҳқиқи фасод дар атрофи худ истеъфо дод. Вай дар ин бора дар як муроҷиатнома дар шабакаи телевизионии SIC Notícias хабар дод.
«Ман дилу чонамро ба хиз-мат ба Ватан бахшидам, тайёр будам, ки мандате, ки португалихо ба ман бовар карда буданд, ичро кунам. Имрӯз аз хабаре, ки алайҳи ман парвандаи ҷиноӣ боз шудааст ва ё боз мешавад, дар ҳайрат мондам», — гуфт сиёсатмадор.
Кошта ҳамчунин омодагии худро барои ҳамкорӣ бо тафтишот изҳор дошт.
Маълум мешавад, ки вай истеъфои худро ба Марсел де Соуза пешниҳод кардааст. Қабл аз ин кофтукоби пулис дар биноҳои ҳукумат ва вазорати зерсохтор ва муҳити зист ва боздошти раиси маъмурияти сарвазири Португалия Витор Эшкария сурат гирифт. Илова бар ин, Ҷоао Галамба, вазири энержӣ ва раиси Ожонси ҳифзи муҳити зист Нуно Лакаста низ дар парвандаи фасод дар ироаи консессияҳо барои истихроҷи литий ва сохтмони нерӯгоҳи ҳидроген гумонбар дониста мешаванд.
Акс: аз манбаъҳои кушода
