Рӯзи 9 ноябр дар Маскав бахшида ба 1165-солагии асосгузори адабиёти классикии тоҷику форс Абӯабдуллоҳи Рӯдакӣ як чорабинии адабию фарҳангӣ баргузор мешавад.
Дар чорабинӣ муаррихону шоирону нависандагон, олимон, пажӯҳишгарон ва ҳамватанон ширкат хоҳанд кард.
Чорабинии мазкур бо ибтикори Шӯрои ҷамъиятии назди Сафорати Ҷумҳурии Тоҷикистон дар Федератсияи Русия дар якҷоягӣ бо Академияи хоҷагии халқ ва идоракунии давлатии назди Президенти Федератсияи Русия баргузор мегардад.
Дар назар аст, ки намоиши либосҳои миллӣ, ҳунарҳои мардумӣ ва намоиши манзараҳои зебои диёрамон.
Қисмати адабии чорабинӣ аз саҳнаҳои театрӣ, рақсҳо, ҳунармандони маъруф сурудҳои миллӣ иҷро карда, ҳамватанони маҳаллӣ ва шаҳрвандони хориҷӣ аз ашъори Рӯдакии бузургвор қироат мекунанд.
Дар доираи чорабинӣ филми мустанад оид ба ҳаёт ва фаъолияти шоир намоиш дода мешавад.
Дар ин бора ба АМИТ «Ховар» бо истинод ба Шӯрои ҷамъиятии Сафорати Ҷумҳурии Тоҷикистон дар Федератсияи Россия хабар дод.
Акс: аз манбаъҳои кушода
