Масъулини мактаб-интернатҳои ҷумҳуриявии кӯдакони ятим дар ноҳияҳои Ёвон, Шаҳринав, Нуробод, Сангвор ва хона-интернати пиронсолон ва маъюбони ноҳияи Ёвон барои иҷрои қарори Ҳукумати Ҷумҳурии Тоҷикистон дар бораи мавсими зимистон планхои пешниходшударо пурра ичро карданд.
Тавре директори мактаб-интернати ҷумҳуриявии кӯдакони ятими ноҳияи Ёвон Нуқра Ҳасанзода иброз дошт, «Муассисаи мо бо дастгирии мақомоти давлатии ноҳияи Ёвон ба хатти ройгони барқи доимӣ пайваст карда шудааст, тавассути дегҳои барқӣ, хобгохи ятимон ва синфхонахои онхо бо гармй пурра таъминанд. Холо дар корхона 5 тонна ангишт, 7 мукаабметр хезум ва генератори баландвольти электрики захира карда шудааст. Маҳсулоте, аз қабили орд, равган, шакар, биринҷ, картошка, пиёз, сабзӣ ва дигар намудҳо низ захира карда шуда, барои нигоҳ доштани сифати маҳсулот ва омода кардани хӯрокҳои болаззат давра ба давра маҳсулоти тару тоза ворид карда мешавад».
Дар мактаб-интернати ҷумҳуриявии кӯдакони ятим дар ноҳияи Сангвор 24 тонна ангишт, 60 метри мукааб ҳезум ва 100 литр сӯзишвории дизелӣ захира шудааст.
Ҳоло дар мактаб-интернати ҷумҳуриявии кӯдакони ятими ноҳияи Нуробод 61 тонна ангишт, 22 метри мукааб ҳезум, 212 литр сӯзишвории дизелӣ, 13 тонна орд, 1400 килограмм равған, 300 килограмм шакар ва дигар маҳсулоти хӯрокворӣ захира карда шудааст. .
Дар мактаб-интернати ҷумҳуриявии кӯдакони ятими ноҳияи Шаҳринав имрӯз 180 нафар кӯдакони ятиму бепарастор, маъюбон ва гирифторони бемориҳои рӯҳӣ таълиму тарбия мегиранд. Намояндагони ин муассиса изҳор доштанд, ки интернат дорои 2,37 гектар замини кишт ва 11 сар чорвои калони шохдор мебошад. Ба шарофати ин модаговхо хонандагон хар руз махсулоти ширй мегиранд. Аз ин хочагй сабзавоту гандум, зироатхои лубиёгй ва хуроки чорво низ захира карда мешавад.
Дар ин бора ба АМИТ «Ховар» хабар медидад.
Акс: АМИТ «Ховар»
